Денешната е најмоќна ерупција на овој вулкан од 1930 година, кога загинаа околу 1 300 луѓе. Засега нема информации за жртви во денешната ерупција
Агенцијата за управување за катастрофи на Индонезија информира дека денеска околу 12 часот по локално време еруптирал вулканот Мерапи Приоа исфрлајќи врела пепел и мешавина од лава и гас кои се слеале по неговите падини во радиус од околу седум километри.
При ерупцијата, од вулканот се ослободиле врели облаци чад кои се издигнале 100 метри во воздухот, притоа попречувајќи ги сончевите зраци да продрат.
Засега нема информации за жртви.
Жителите од оваа област се предупредени да ги избегнуваат опасните зони околу вулканот.
Најмалку осум села во близина на вулканот биле погодени од вулканска пепел.
Gunung Merapi kembali muntahkan awan panas guguran (APG), Sabtu (11/3) pukul 12.12 WIB ke arah Kali Bebeng/Krasak. Balai Penyelidikan dan Pengembangan Teknologi Kebencanaan Geologi (BPPTKG) Daerah Istimewa Yogyakarta mengatakan erupsi masih berlangsung hingga pukul 12.31. pic.twitter.com/MNMtdIS0Tr
— BNPB Indonesia (@BNPB_Indonesia) March 11, 2023
Лоциран во специјалниот регион Јогјакарта, вулканот Мерапи (2 963 метри) е меѓу најактивните во Индонезија. Неговата последна голема ерупција во 2010 година уби повеќе од 300 луѓе и принуди евакуација на околу 280 000 жители.
Денешната е најмоќна ерупција на овој вулкан од 1930 година, кога загинаа околу 1 300 луѓе. Во ерупцијата во 1994 година загинаа околу 60 луѓе.
Индонезија, која има речиси 130 активни вулкани, се наоѓа на огнениот прстен на Пацификот, каде што спојувањето на континенталните плочи предизвикува висока вулканска и сеизмичка активност.
Извор: 360stepeni.mk
