(ВИДЕО) Грузиската полиција со солзавец и водени топови ги растерува демонстрантите пред Парламентот

1 min read

Полицијата во центарот на главниот град Тбилиси употреби водени топови и солзавец во обид да растера илјадници демонстранти, кои стравуваат дека нацрт-законот може да ги оштети надежите на јужнокавкаската земја за членство во Европската унија

Демонстрантите во поранешната советска република Грузија вечерва фрлаа молотови коктели и камења врз полицијата, откако парламентот ја даде својата првична поддршка за нацрт-законот за „странски агенти“, за кој критичарите велат дека е чекор кон авторитаризам.

Полицијата во центарот на главниот град Тбилиси употреби водени топови и солзавец во обид да растера илјадници демонстранти, кои стравуваат дека нацрт-законот може да ги оштети надежите на јужнокавкаската земја за членство во Европската унија.

Организациите кои добиваат повеќе од 20 отсто од средствата од странство ќе мора да се регистрираат како „странски агенти“.

Законот, поддржан од владејачката партија „Грузиски сон“, ќе бара од сите организации кои добиваат повеќе од 20 отсто од своето финансирање од странство да се регистрираат како „странски агенти“ или ќе се соочат со значителни казни.

Критичарите и опозицијата го споредуваат нацрт-законот со рускиот закон од 2012 година кој потоа почна да го проширува опсегот и да се користи за сузбивање на независното граѓанско општество и медиумите.

(ВИДЕО) Тепачка во парламентот во Грузија поради законот за странски агенти направен по руски модел

Грузиската претседателка Саломе Зурабишвили, која сака да стави вето на нацрт-законот доколку е на нејзината маса, рече дека е на страната на демонстрантите, но неговите автори велат дека е потребен за да се постигне транспарентност во работата на субјектите финансирани од претставници на странски држави. Парламентот може да го отфрли претседателското вето.

Извор: 360stepeni.mk

Прикажи све
Претходно

Артан Груби ем вели дека нема ништо со тендерот за надзорот за „Бехтел и Енка“, ем ги знае сите детали

Следно

Потер: Не сум сигурен како се чувствувам,емоциите се измешани

Latest from Blog