Српското собрание ја продолжува расправата за Косово

Лидерите на пратеничките групи на владејачкото мнозинство и на опозицијата вчера ги изнесоа своите ставови, а тензичната дискусија во еден момент прерасна во инцидент во кој дојде до судир на пратениците на власта и опозицијата

Пратениците на српскиот парламент од денеска во 11 часот ќе ја продолжат специјалната седница посветена на Косово, на чиј дневен ред е извештајот на владата за преговорите со Приштина во периодот од 1 септември 2022 година до 15 јануари 2023 година.

Претседателот на Србија, Александар Вучиќ, презентирајќи го извештајот, вчера рече дека целта на расправата е да се отвори разговор за најтешките работи со кои се соочува земјата, а не префрлање на одговорноста.

Вучиќ претстави и план од десет точки за политиката на Србија во наредниот период. Тој зборуваше за т.н. француско-германски предлог и притоа ја истакна точката 4 како особено тешка. Точката предвидува дека Србија нема да се спротивстави на членството на Косово во ниту една меѓународна организација.

Вучиќ: Најтешкиот дел од европскиот план предвидува дека ние нема да се противиме на членството на Косово во меѓународните организации

Лидерите на пратеничките групи на владејачкото мнозинство и на опозицијата вчера ги изнесоа своите ставови, а тензичната дискусија во еден момент прерасна во инцидент во кој дојде до судир на пратениците на власта и опозицијата.

(ВИДЕО) Инцидент во српското собрание: Пратениците од власта и опозицијата почнаа да се туркаат, обезбедувањето го опкружи Вучиќ

Вчеравечер неколку десетици граѓани протестираа пред собранието на Србија барајќи парламентот да не го поддржи потпишувањето на француско-германскиот предлог ниту кој било друг што на кој било начин би претставувал признавање на самопрогласената независност на Косово.