Советникот на Зеленски поднесе оставка – неговата последна изјава за Днепар ја разлути украинската јавност

Оваа изјава предизвика бура во Украина и доведе до бројни осуди на Арестович. Поради големиот притисок, тој сега поднесе оставка и им се извини на семејствата на жртвите од Днепар

Советникот на украинскиот претседател, Олексеј Арестович, утрово му поднесе оставка на Володимир Зеленски. Арестовиќ предизвика бура со својата изјава по нападот на Днепар. Арестович и претходно беше познат како личност склона кон контроверзни изјави во кои директно или индиректно се судираше со командантите на вооружените сили на Украина, со локални политичари итн.

Овој пат тој предизвика бура со своето обраќање во кое рече дека ракетата над градот била соборена од украинската противвоздушна одбрана и дека поради тоа проектилот паднал неконтролирано. Малку е да се каже дека ваквата изјава предизвика гнев, ужас и негодување кај голем дел од украинската јавност.

Руски ракетен напад врз зграда во Днепар: Загинаа 35 лица, меѓу нив и две деца

Посебно е интересен аргументот на кој Арестович ја изградил својата верзија на настаните:

„Мојот пријател, поранешен офицер за противвоздушна одбрана, одеше по улицата во моментот на ударот. Ми рече дека 100 посто слушнал две експлозии и дека првата ја идентификувал како противвоздушната одбрана. До сега не погрешил. И беше сигурен дека проектилот е соборен“.

Оваа изјава предизвика бура во Украина и доведе до бројни осуди на Арестович. Поради големиот притисок, тој сега поднесе оставка и им се извини на семејствата на жртвите од Днепар.

„Искрено им се извинувам на жртвите и нивните роднини, жителите на Днепар и сите кои беа длабоко повредени од мојата погрешна верзија за причината поради која руската ракета ја погоди станбената зграда“,

напиша тој на Фејсбук.