Актерот Алексис
Ортега се прослави со синхронизацијата на Питер Паркер во Марвеловиот филмски универзум.
Во
официјалното соопштение објавено на Инстаграм-страница посветена на светот на
синхронизацијата се наведува:
„Со жалење
објавуваме дека почина актерот Алексис Ортега. Упатуваме најдлабоко сочувство
до неговото семејство, пријателите и колегите во овој тежок момент.“
Причината за
неговата смрт сè уште не е позната, пренесуваат медиумите.
Ортега во
последната објава на Инстаграм од ноември минатата година позираше со своето
куче во домот во Мексико Сити ‒ фотографија која сега е особено трогателна за
фановите.
Покрај
синхронизацијата, Ортега имаше и улоги пред камера во серии како „Luis
Miguel: The Series“, „Thursday’s Widows“, „El Candidato“ и „The House of
Flowers“, а во последните години беше активен и на социјалните мрежи, работејќи
и на синхронизација на содржини за популарни YouTube канали.
Извор: vecer.mk
