Мароко од утре домаќин на Светското клупско првенство во фудбал

1 min read

Мароко од утре до 11 февруари првпат во својата историја ќе биде домаќин на Светското клупско првенство, на кое ќе настапат седум екипи, победници на најсилните континентални натпреварувања – Реал Мадрид, Фламенго, Казабланка, Сиетл, Оукленд, Ал Ахли и Ал Хилал.

Клупското СП ќе биде отворено со дуелот меѓу Ал Ахли и Оукленд, а победникот во четвртфиналето ќе игра против првакот на КОНКАКАФ, Сиетл, додека подобриот од таа пресметка во полуфиналето го чека европскиот шампион Реал.

Во вториот дел од жрепката е јужноамериканскиот шампион Фламенго, кој во полуфиналето ќе игра против победникот од дуелот меѓу Казабланка и Ал Хилал.

Финалето и натпреварот за третото место се на програмата на 11 февруари.

Сите натпревари ќе се играат во мароканските градови Рабат и Тангер.

Титулата лани ја освои Челзи, совладувајќи го во финалето бразилски Палмеирас.

Најмногу светски клупски титули има Реал, вкупно четири (2014, 2016, 2017, 2018).

ИЗВОР: kurir.mk

Претходно

Ректорот на УКИМ Никола Јанкуловски одликуван со престижното француско признание „Витез од редот на заслуги“

Следно

ИО на СДСМ одлучи да продолжат разговорите со Алијанса: Ќе има кадровско освежување и диференцијација од ВМРО-ДПМНЕ и Левица

Latest from Blog