Идентификувани 54 од 57 загинати во железничката несреќа во Грција

1 min read

Од направените ДНК анализи и испитувањето на добиените примероци идентификувани се 54 жртви од железничката несреќа во Грција, согласно последните официјални податоци соопштени од портпаролката на грчката полиција Константина Димоглиду.

Во однос на процесот на информирање на роднините на жртвите, Димоглиду објасни дека продолжува од претставници на полицијата и специјални психолози, а на семејството на секоја жртва му се дава неопходното време.

Во железничката несреќа загинаа 57 лица, 38 се хоспитализирани, од кои седум на одделите за интензивна нега.

Поради трагедијата, веќе трет ден во Атина се организираат протести и собири.

Претпладнево протестираа студентите и учениците, кои мирно и масовно маршираа до зградата на „Hellenic train“, додека пак вечерва, демонстрации завршија со инциденти меѓу група маскирани лица и полицијата.

ИЗВОР: kurir.mk

Претходно

Андоновски: Не познавам човек во Македонија кој може да купи хотел за 60-тина илјади евра, освен пријателите на Груби

Следно

Гутереш: Да го уништиме нуклеарното, хемиското и биолошкото оружје пред тоа да не уништи нас

Latest from Blog