Бојко Борисов: Задачата е редовна влада, јас ќе бидам пратеник и лично ќе ги водам преговорите

Тој ги критикуваше Продолжуваме со промените и Демократска Бугарија, имплицирајќи дека страдаат од мегаломанија

Единствената задача пред ова Народно собрание е формирање на редовна влада. Без оглед на цената на партиите, рече поранешниот премиер и лидер на ГЕРБ Бојко Борисов за време на првата прес-конференција по изборите кои се одржаа во неделата, јави БТВ.

Тој додаде дека ќе биде пратеник во 49. Народно собрание и лично ќе ги води преговорите со останатите партии.

„Нови избори значат ризик за парламентарната демократија. Ќе ги поканиме апсолутно сите партии што бугарскиот народ ги испрати во Народното собрание. Најстабилна влада – онаа што ќе го смири бизнисот е коалицијата меѓу големите партии“,

смета Борисов.

Тој ги критикуваше Продолжуваме со промените и Демократска Бугарија, имплицирајќи дека страдаат од мегаломанија.

„Не кревавме во воздух балони, не организиравме маси, не пиевме шампањ“,

рече Бојко Борисов.

Поранешниот премиер јасно стави до знаење дека сите разговори за политика минуваат низ редовна влада.

„За политики ќе разговараме само со партиите што ќе одлучат да учествуваат во редовна влада. Ова е она што сакам сите да го слушнат. Се вртиме кон најголемата затоа што тоа би било најстабилно, и европски и атлантски. Бугарите рекоа – не може без ГЕРБ , но не може ниту без ПП-ДБ. Во моментот кога Румен Радев ќени го врачи мандатот, ќе ги поканиме сите партии кои влегоа во Народното собрание“,

рече Борисов.

Бојко Борисов додаде дека ГЕРБ -СДС ќе разговара дури и со Преродба затоа што „не треба да се потценуваат“. Тој додаде дека ќе го покани и претседателот на средба бидејќи, според него, токму шефот на државата е политичар со најдолг стаж во Бугарија.

Копретседателот на партијата Продолжуваме со промените Асен Василев, вчера изјави дека нема да поддржат кабинет со мандат или учество на ГЕРБ.

Василев: Продолжуваме со промените нема да го поддржи кабинетот на ГЕРБ

Во Бугарија во неделата се одржаа парламентарни избори, петти по ред во период од две години. Според резултатите кои ги објави Централната изборна комисија (ЦИК) на Бугарија, во новиот состав на бугарскиот парламент ќе влезат шест партии, односно коалиции. Прва со најмногу гласови е коалицијата ГЕРБ-СДС на поранешниот премиер Бојко Борисов. Таа има 49 769 гласа повеќе, или помалку од два отсто од второпласираната коалиција на Кирил Петков – Продолжуваме со промените-Демократска Бугарија (ПП-ДБ).

Коалицијата на Борисов е прва со околу 50 000 гласа повеќе од таа на Петков, бугарски ЦИК ги обработи гласовите