Англија моментално се соочува со најлошата суша во последните децении, што ги принудува владата и компаниите за водоснабдување да планираат мерки за зачувување на водните ресурси, соопштија официјални лица.
Според менаџерите на големите компании за водоснабдување, долгорочните прогнози на Метеоролошката служба укажуваат на пад на количината на врнежи под просекот, што би можело да бара екстремни мерки за намалување на потрошувачката на вода, далеку над вообичаените забрани за употреба на црева за наводнување, пишува „Индипендент“.
Според експертите, залихите на вода се критично ниски – просечното полнење на резервоарот е 63,3 проценти, додека вообичаеното за ова време од годината е 76 проценти.
Извор: tv21
